اكتفيت

فيه ناس كتير الأزمات ومواقف حياتهم الصعبة بتكسرهم، وبتحول حياتهم لسلسلة أيام شبه بعضها، حياة بلا روح، بلا أمل.. حياة ناقصها حياة وناس تانية المحن والأزمات بتقويهم، وعلى قد ما بتعلم فيهم بتعلمهم، وبتزرع جواهم الصمود والمعافرة والإصرار على العبور لبر الأمل.
صدقني .. لو اللي فات كان كله إجبار .. اللي جاي قرار وإختيار.في إيدك تخلي أيامك شبه بعضها بالملل والإحباط والانكسار وأنتظار المعجزات أو تخلق من كل يوم حكاية تحدي تضيف لرصيد ذكرياتك، واللي جاي من حياتك قيمة وأثر.
في إيدك تعيشها في حزن، ويا ريت.. أو تصرخ في خوفك وضعفك ويأسك : “خلاص اكتفيت”.